Сарваны абмен паміж Расеяй і Украінай

• 7.06.2025, 19:16

Яго перанеслі на нявызначаны тэрмін.

Абмен целамі загінулых паміж Украінай і Расеяй перанеслі, пакуль дата яшчэ не вызначаная. Пра гэта ў каментары BBC у суботу, 7 чэрвеня, паведамілі ва ўкраінскім Каардынацыйным штабе ў пытаннях абыходжання з ваеннапалоннымі.

У ведамстве адзначылі, што «заявы прадстаўнікоў дзяржавы-агрэсаркі аб нібыта пачатку вяртання цел або мерапрыемстваў па рэпатрыяцыі пасля дамоўленасцей у Стамбуле не адпавядаюць рэчаіснасці».

Украінскі бок дадаў, што цяпер ідзе падрыхтоўка да абмену цяжкахворых і цяжкапараненых, моладзі, а таксама вяртанне целаў загінулых вайскоўцаў, дадае BBC.

«Усе аднабаковыя заявы або дзеянні з боку прадстаўнікоў дзяржавы-агрэсаркі з'яўляюцца чарговай маніпуляцыяй вакол адчувальнага і важнага пытання вяртання цел нашых абаронцаў», - сказаў прадстаўнік Каардштаба.