Трамп расказаў, ці плануе мірыцца з Маскам

• 7.06.2025, 21:18

Прэзідэнт ЗША пачаў вінаваціць мільярдэра.

Прэзідэнт ЗША Дональд Трамп заявіў, што не мае жадання аднаўляць стасункі са сваім былым дарадцам мільярдэрам Іланам Маскам. Пра гэта ён сказаў у тэлефонным інтэрв'ю NBC.

Адзначаецца, што на пытанне, ці мае Трамп жаданне аднавіць стасункі з Маскам, ён адказаў: «не». Таксама кіраўнік Белага дома выказаў здагадку, што ягоныя стасункі з генеральным дырэктарам Tesla і SpaceX скончаныя.

Акрамя таго, Трамп кажа, што не плануе размаўляць з Маскам найбліжэйшым часам.

«Я занадта заняты іншымі справамі. Я не маю намеру з ім размаўляць», - цытуе прэзідэнта ЗША выданне.

Ён таксама абвінаваціў Маска ў «непавазе да пасады прэзідэнта».