«Пуцін прывёў у шаленства расейскіх прапагандыстаў»

• 8.06.2025, 10:36

На іх думку, Крэмль паказаў сваю слабасць.

Палітолаг Майкл Накі пракаментаваў рэакцыю расейскіх прапагандыстаў на ўдар у адказ РФ.

Сваё чарговае аналітычнае відэа Майкл Накі пачаў з навіны з Расеі: «Мінабароны РФ афіцыйна паведаміла, што тэрарыстычны ўдар па Украіне мінулай ноччу быў тым самым адказам. Z-блогераў гэта прывяло ў шаленства, бо многія спадзяваліся, што сапраўдны адказ яшчэ наперадзе».

«Прапагандысты тым часам працягваюць ныць, што адказ не адказны, што ўдар не дастаткова тэрарыстычны. Учора я прыводзіў допіс аднаго Z-блогера, а вось і іншыя каментары, сабраныя выданнем «Агентство». У Z-блогах звярнулі ўвагу на тое, што гэты напад не стаў рэкордным. Напрыклад, 1 чэрвеня Расея запусціла па Украіне 472 беспілотнікі і 7 ракет», - паведаміў палітолаг.

Затым Майкл Накі падрабязна апісаў рэакцыю прапагандыстаў на чарговы тэрарыстычны акт РФ: «Мэта ўдару дасягнутая, усе прызначаныя аб'екты знішчаныя», - паведамляе Міністэрства абароны Расеі. Як вы бачыце, гэта і быў той самы адказ. Ужо пасля з'яўлення гэтага допісу зэтнікі ўзвылі з новай сілай, кажучы: як жа так, мы спадзяваліся, а тут у выніку вось гэта вось. Адзіны вайсковы, а не тэрарыстычны вынік, які сабе запісалі ваенкары, - гэта знішчэнне Patriot. Такі ж ён сапраўдны, як палітычная вага Мядзінскага. Знішчэнне Patriotа - гэта не тое каб фэйкавае відэа, а, хутчэй, спроба выдаць жаданае за сапраўднае, гэта значыць, відэа сапраўднае, проста ў ім няма ўдару па Patriot».