Хакеры ГУВ «паклалі» сэрвісы расейскай чыгункі

• 8.06.2025, 13:09

Сталі вядомыя дэталі нестандартнага нападу.

Кіберспецыялісты ўкраінскай выведкі атакавалі анлайн-сістэму расейскай чыгункі. Афіцыйны рэсурс РЧ (расейскіх чыгунак) не працуе.

Пра гэта паведамляе РБК-Украіна са спасылкай на крыніцы.

Як адзначаюць крыніцы ў ГУВ Мінабароны, у выніку нестандартнага нападу парушаная працаздольнасць сістэмы zd.ru.

Аперацыя, прынамсі, прывяла да збою працы сервераў NS, якія адказваюць за распазнанне даменных імёнаў у сетцы. Такім чынам, на ўзроўні дамена rzd.ru (уключаючы ўсе субдамены) немагчыма канвертаваць даменнае імя ў IP-адрас, з прычыны чаго ўсе сэрвісы на rzd.ru больш не працуюць (уключаючы мабільныя прыкладанні).

Сам факт кібератакі на інфраструктуру прызналі і ў РЧ. З паведамлення тамтэйшай прэс-службы, магутнасць нападу дасягала 6 ГБ і амаль 2,5 млн пакетаў за секунду.

Расейскія карыстачы фактычна страцілі магчымасць карыстацца рэсурсамі РЧ.