На самым вялікім востраве Беларусі адкрылі экасцежку

• 8.06.2025, 15:36

Раней ён быў заселены людзьмі, але сёння тут жывуць толькі дзікія жывёлы і птушкі.

У Верхнядзвінскім раёне на Асвейскім возеры адкрылі эколага-краязнаўчую сцежку на востраве Ду. Яе назвалі «Таямнічая выспа Ду», паведамляе Міністэрства прыродных рэсурсаў і аховы навакольнага асяроддзя Беларусі.

Востраў Ду з'яўляецца самым вялікім востравам Беларусі. Яго плошча 5 квадратных кіламетраў параўнальная з памерам горада Турава.

Як піша «Будзьма», яшчэ некалькі дзесяцігоддзяў таму гэтая выспа была заселеная людзьмі, але сёння тут жывуць толькі дзікія жывёлы і птушкі.

Востраў мае статус заказніка.