Ці зможа NASA замяніць карабель Маска

• 9.06.2025, 12:14

ЗША наўрад ці захочуць вяртацца да паслуг Расеі.

На сёння Злучаныя Штаты Амерыкі не маюць замены караблю Dragon ад кампаніі SpaceX і наўрад ці яна з'явіцца найбліжэйшым часам. Пра гэта unian.net заявіў экс-дарадца старшыні Дзяржаўнага касмічнага агенцтва Украіны Андрэй Калеснік.

"NASA наўрад ці захоча зноў вяртацца да паслуг калег з Масковіі і плаціць па 90 мільёнаў даляраў за адно месца ў кансервавай бляшанцы пад назвай “Саюз”, тым больш на фоне бюджэтнайпрапановы на 2026 год аб скарачэнні бюджэту для далейшай эксплуатацыі МКС на 25%”, - кажа спецыяліст.

Калеснік дадаў, што іншы тып амерыканскага пілатаванага касмічнага карабля-Starliner ад кампаніі Boeing – дагэтуль не можа пазбавіцца ад тэхнічных «дзіцячых хвароб», каб атрымаць сертыфікацыю і дастаўляць астранаўтаў на арбіту.

Бліжэйшы чарговы тэст на выжыванне ў космасе для Starliner плануецца толькі ў 2026 годзе, пры тым што не вызначана нават, якім ён будзе - у беспілотным варыянце або зноў з астранаўтамі-выпрабавальнікамі на борце. Таму аб яго эксплуатацыі можна пакуль марыць, - мяркуе экс-дарадца старшыні Дзяржаўнага касмічнага агенцтва.

Са слоў спецыяліста, цяпер у SpaceX у эксплуатацыі знаходзіцца 5 Crew Dragon (пілатаваных касмічных караблёў) і 3 Cargo Dragon (грузавых шматразовых касмічных караблёў). Пасажырскія выкарыстоўваюць на замову прыватных кампаній - як для камерцыйных падарожнікаў у блізкі космас, так і для дастаўкі "неафіцыйных" экіпажаў на МКС.