У NATO пракаментавалі пастанову Трампа аб пастаўках зброі для Украіны

• 11.07.2025, 15:24

У Альянсе заявілі, што NATO працягвае працаваць над тым, каб забяспечыць падтрымку Украіне.

У Арганізацыі Паўночнаатлантычнай дамовы адрэагавалі на нядаўнюю заяву прэзідэнта Злучаных Штатаў Амерыкі Дональда Трампа аб тым, што ЗША будуць пастаўляць зброю Украіне праз NATO.

Прэс-сакратарка Альянсу Элісан Харт у адказ на запыт "Радыё Свабода" заявіла, што NATO працягвае працаваць над тым, каб забяспечыць падтрымку Украіне.

- Сябры Альянсу працягваюць працаваць над тым, каб забяспечыць Украіне падтрымку, неабходную для абароны ад расейскай агрэсіі. Гэта ўключае ў сябе тэрміновыя намаганні ў закупцы ключавых паставак са Злучаных Штатаў, у тым ліку сродкаў супрацьпаветранай абароны і боепрыпасаў, - цытуе яе выданне.