Ва ўсім Менску збіраюцца вялізныя чэргі

• 12.07.2025, 13:11

Абітурыенты пачалі штурмаваць ВНУ.

У суботу, 12 ліпеня, у Беларусі стартаваў асноўны этап уступнай кампаніі. У абітурыентаў ёсць 6 дзён, каб падаць дакументы ў прыёмную камісію - іх прымуць да 17 ліпеня, паведамілі ў Міністэрстве адукацыі. Прыёмныя камісіі будуць працаваць без выходных. На некаторыя спецыяльнасці выдзяляецца на пару дзён больш. Раніцай фатограф «Онлайнера» пабываў у БДУ і БДПУ ў Менску, дзе ўжо пачалі збірацца вялікія чэргі.

Усяго сёлета ВНУ Беларусі гатовы прыняць больш за 48 тысяч абітурыентаў. З іх на бюджэт 31,8 тысячы чалавек, а на платную форму навучання - 16,4 тысячы чалавек. Больш за ўсё бюджэтных месцаў дастанецца інжынерам, педагогам, медыкам і аграрыям. Так, для інжынераў выдзеленыя 7,5 тысячы бюджэтных месцаў, для педагогаў - 3,9 тысячы, для медыкаў - 2,9 тысячы, для аграрыяў - 2,8 тысячы.

Дакументы прымаюць у 46 ВНУ па ўсёй краіне. З гэтага года абітурыенты могуць карыстацца электроннай чаргой для падачы дакументаў у персанальным кабінеце на сайце Рэспубліканскага інстытута кантролю ведаў.

Падаць дакументы на платнае аддзяленне можна будзе да 1 жніўня. Графік працы прыёмных камісій з 9.00 да 18.00.