Ружы з Беларусі не пусцілі ў Расею

• 15.07.2025, 11:41

Транспарт спынілі ў Бранскай вобласці.

У Расею не пусцілі партыю руж з Беларусі. Груз везлі без фітасанітарных дакументаў, паведамляецца на сайце Рассельгаснагляду.

Транспарт спынілі ў Бранскай вобласці. Па выніках праверкі высветлілася, што 350 саджанцаў руж перавозіліся без суправаджальных дакументаў, якія пацвярджаюць паходжанне грузу і яго бяспеку.

«У выніку ўвоз прадукцыі быў забаронены. Транспартны сродак з саджанцамі вернуты на адрас адпраўніка. Вінаватая асоба прыцягнутая да адміністрацыйнай адказнасці», - гаворыцца на сайце Рассельгаснагляду.

У ведамстве таксама дадалі, што нелегальныя перавозкі прадукцыі высокай фітасанітарнай рызыкі могуць спрыяць пранікненню на тэрыторыю Расеі і далейшаму распаўсюджванню розных небяспечных каранцінных шкоднікаў, хвароб раслін і пустазелля.