Ультыматум Трампа выклікаў пярэпалах у Маскве

• 15.07.2025, 15:23

Прадстаўнікі Крамля і МЗС РФ заблыталіся ў заявах.

Жорсткія пагрозы прэзідэнта ЗША Дональда Трампа супраць Расеі сталі сапраўдным шокам для Крамля. Расейскія ўлады кінуліся рабіць каментары, але так і не змаглі выпрацаваць адзіную лінію — рыторыка Трампа відавочна заспела Маскву знянацку, піша «Диалог.UA».

Спікер Крамля Дзмітрый Пяскоў першым прызнаў, што заява Трампа страсянула Маскву. З ягоных слоў, заявы амерыканскага прэзідэнта варта ўспрымаць «як вельмі сур'ёзныя» і ў Крамлі зоймуцца іх «дбайным аналізам».

«Нам, безумоўна, патрэбны час для аналізу сказанага ў Вашынгтоне. І калі прэзідэнт Пуцін разгледзіць за патрэбнае, ён гэта абавязкова пракаментуе», — падкрэсліў Пяскоў, не хаваючы, што частка пагроз Трампа адрасаваная асабіста Пуціну.

У МЗС РФ панікуюць

Адначасова расейскі МЗС выставіў на авансцэну не занадта ўплывовага намесніка міністра Лаўрова Сяргея Рабкова.

Ён паспрабаваў гучаць пагрозліва, але ягоная рыторыка не ўразіла экспэртаў: «Расея не прымае ніякія спробы выстаўляць патрабаванні, тым больш ультыматумы», — заявіў Рабкоў, дадаўшы, што калі ЗША і NATO не паставяцца «з лімітавай сур'ёзнасцю» да пазіцыі Масквы, вайна супраць Украіны працягнецца.

На гэтым фоне былы прэзідэнт Расеі Дзмітрый Мядзведзеў, вядомы сваімі агрэсіўнымі заявамі, раптам наважыў адыграць ролю «абыякавага назіральніка».

Ён назваў пагрозы Трампа «тэатральным ультыматумам», да якога Расея нібыта «засталася абыякавай».

Масква не ведае, што рабіць

Мяркуючы з усяго, у расейскім кіраўніцтве пакуль няма ніводнай стратэгіі, ні нават узгодненай рыторыкі ў адказ на ўльтыматум Трампа. Хтосьці робіць грозныя заявы, хтосьці просіць часу на «аналіз», хтосьці спрабуе высмеяць пагрозы.

Але аналітыкі адзначаюць, што новая жорсткая лінія Вашынгтона і асабістыя папярэджанні Пуціну сталі халодным душам для Крамля, які звыкся да асцярожных перамоў. Прэзідэнт ЗША, які дзейнічае з пазіцыі сілы, вывеў расейскую эліту з раўнавагі.