Беспілотнікі атакавалі абаронныя заводы ў Тульскай вобласці і Варонежы

• 17.07.2025, 9:24

Пашкоджаныя адразу чатыры прадпрыемствы.

Уночы 17 ліпеня Расею атакавалі беспілотнікі, пад ударамі былі Варонеж і Тульская вобласць.

Як інфармуе Цензор.Нет, пра гэта паведамляюць расейскія тэлеграм-каналы.

Уночы 17 ліпеня ў расейскім Варонежы прагрымела мінімум чатыры выбухі. Відавочцы кажуць, што горад атакавалі БПЛА.

Губернатар Аляксандр Гусеў заявіў, што расейскае СПА збіла, прынамсі, 5 украінскіх беспілотнікаў. Але адзін з іх рэзнуўся ў шматпавярховік.

Як піша са слоў відавочцаў тэлеграм-канал SHOT, дрон рэзнуўся ў дом і выбухнуў у раёне вуліцы Айвазоўскага на ўскраіне Варонежа.

«Папярэдне, пашкоджаны фасад будынка і некалькі кватэр. Абломкі ўпалі на аўтамабілі, якія стаялі ўнізе. Са слоў відавочцаў, пацярпеў 15-гадовы падлетак», - піша SHOT.

Выбухі прагрымелі ў Новамаскоўску Тульскай вобласці. Паводле звестак Telegram-канала ASTRA, уночы 11 ліпеня ў рэгіёне атакавалі адразу чатыры абаронныя прадпрыемствы.

У горадзе Шчокіна Тульскай вобласці пачаўся пажар пасля атакі БПЛА, паведамілі мясцовыя жыхары.

На раніцу 17 ліпеня, а 06:00, пагроза удараў БПЛА ў вобласці ўсё яшчэ захоўвалася, папярэджваў губернатар Дзмітрый Міляеў.