Баец ГУВ самастойна стрымаў штурм пяці акупантаў на Купянскім кірунку

• 17.07.2025, 9:54

Расейцы выкарыстоўвалі забаронены атрутны газ, мінамёты і FPV-дроны.

На Купянскім кірунку баец спецпадраздзялення ГУВ самастойна стрымаў штурм расейскіх сіл, якія колькасна пераўзыходзілі яго. Расейскія акупанты выкарыстоўвалі забаронены атрутны газ, мінамёты і FPV-дроны.

Пра гэта паведамляе Telegram-канал Галоўнай управы выведкі МА Украіны.

Падчас баявых дзеянняў на Купянскім кірунку баец спецпадраздзялення ГУВ МА Украіны «Братэрства» самастойна стрымаў штурм сіл пяці акупантаў.

У адказ на эфектыўнае супраціўленне ўкраінскага ваяра акупанты выкарысталі забароненыя метады вядзення вайны - атрутны газ. Больш за тое, пасля гэтага пазіцыю накрылі шчыльным мінамётным агнём і нападамі FPV-дронаў.

«Баец атрымаў множныя аскепкавыя раненні і атручванне невядомым рэчывам, што выклікала перыядычную страту прытомнасці. Далейшае ўтрыманне пазіцыі ў такіх умовах стала немагчымым», - адзначылі ў ГУВ.

Камандаванне прыняло адзіную магчымую пастанову - эвакуаваць байца. Нягледзячы на актыўную працу варожых FPV-дронаў, група эвакуацыі змагла прарвацца да параненага, вынесці яго з-пад агню і даставіць у стабілізацыйны пункт.

«Дзякуючы зладжаным дзеянням і высокаму прафесіяналізму вайскоўцай спецыяльнага падраздзялення пазіцыю ўдалося не толькі ўтрымаць, але і адкінуць супраціўніка ад яе», — гаворыцца ў паведамленні.