Праз непагадзь у Менску абрынуўся мост

Інцыдэнт здарыўся ў Серабранцы.

У Серабранцы праз залеву размыла мост. Падрабязнасці паведамляе Telegram-канал Ленінскага раёна.

На фота відаць, што стыхія не пашкадавала канструкцыю. Былі змытыя тоны грунту, чаму агаліліся бетонныя асновы парэнчаў.

Па мосце праходзіла роварная дарожка, таму мясцовым раварыстам варта шукаць абыходны маршрут.

На аб'екце працуюць раённыя камунальныя службы Рэмаўтадара.

У сваю чаргу Зеленбуд Ленінскага раёна выканае аднаўленчыя працы з грунтам і травой.

Адміністрацыя запэўнівае: мост будзе адноўлены найбліжэйшым часам.

Апошнія навіны