У цэнтры Масквы ўзарвалі машыну з ветэранамі ФСБ

• 2.07.2025, 19:36

Падрабязнасці.

У цэнтры Масквы, у Старапіменаўскім завулку, адбыўся выбух аўтамабіля, у якім знаходзіліся ветэраны расеейскіх спецслужбаў - 80-гадовы ветэран Камітэта дзяржаўнай бяспекі (КДБ) СССР, а таксама яго дачка - былая супрацоўніца Федэральнай службы бяспекі (ФСБ), якая з'яўляецца ўладальніцай аўтамабіля. Пра гэта паведамляе Mash.

Паводле звестак канала, жанчына паспела выцягнуць бацьку з ахопленай агнём машыны да прыезду экстраных службаў. Пазней яна расказала, што ў чэрвені праводзіла тэхабслугоўванне транспартнага сродку: запраўляла кандыцыянер і ўсталёўвала новую сігналізацыю.

Відавочцы сцвярджаюць, што чулі некалькі выбухаў. У выніку пажару былі пашкоджаныя дзве машыны, піша «Інтэрфакс» са спасылкай на МНС. Узгаранне аператыўна ліквідавалі. Пра пацярпелых да цяперашняга моманту інфармацыя не паступала.

У Маскве ў пачатку чэрвеня на працягу аднаго дня былі замінаваныя адразу тры машыны – усе выпадкі адбыліся ў заходняй частцы горада і недалёка адзін ад аднаго. Аднак спецыялісты, якія выехалі на месцы, не пацвердзілі наяўнасць выбуховых прыстасаванняў.