Украінскія памежнікі захапілі ў палон заблукалага акупанта-марпеха
- 20.07.2025, 15:55
Менш за месяц таму расеец добраахвотна падпісаў кантракт на год.
На Курскім кірунку памежнікі ўзялі ў палон расейскага марскога пяхотніка, які быў накіраваны на штурм украінскіх пазіцый.
Як паведамляе Дзяржаўная памежная служба Украіны, палонны аказаўся вайскоўцам 40-й асобнай брыгады марской пяхоты.
«Заблукаўшы, сам выйшаў на пазіцыю ўкраінскіх памежнікаў», – расказалі ў ДПСУ.
Адзначаецца, што менш за месяц таму акупант добраахвотна падпісаў кантракт на год, за што яму абяцалі 3 млн рублёў, аднак ён іх не атрымаў.