УСУ атакавалі расейскі аэрапорт у Мілераве

• 22.07.2025, 11:29

Прагрымела больш за 10 выбухаў.

У Растоўскай вобласці краіны-агрэсаркі Расеі вечар панядзелка, 21 ліпеня, быў неспакойным. У населеным пункце Мілерава раздаюцца выбухі.

Пра гэта паведамляюць мясцовыя тэлеграм-каналы. Адзначаецца, што там прагучала ўжо больш за 10 выбухаў. Пры гэтым інтэрнэт у Растове адключылі. Раней у Растоўскай вобласці была абвешчаная пагроза выкарыстання дронаў.

Характэрна, што часовы выканаўца губернатара Растоўскай вобласці Юрый Слюсар аб сітуацыі ніякіх заяў не рабіў.

У Мілераве знаходзіцца вайсковы аэрадром.