WSJ: Каб скончыць вайну, Трамп павінен прыняць дзве важныя пастановы

• 3.07.2025, 12:43

Гэта прымусіць Крэмль пайсці на перамовы.

Вашынгтон адмовіў Кіеву ў ракетах да комплексу Patriot, ракетах Hellfire і боепрыпасах да гаўбіцаў. Гэта не толькі варожы акт у стаўленні да Украіны, але і вялікі плюс для Пуціна, паведамляе The Wall Street Journal.

У Пентагоне заявілі, што нібыта запасы менавіта гэтых боепрыпасаў абмежаваныя. Ініцыятарам такой пастановы выступіў Элбрыдж Колбі, апекуном якога ў Белым доме з'яўляецца віцэ-прэзідэнт Дзі Вэнс, а за межамі адміністрацыі Трампа - журналіст Такер Карлсан.

Колбі заявіў, што запасы ракет і боепрыпасаў неабходныя ЗША для магчымага супрацьстаяння з Кітаем.

Аднак эксперты заяўляюць, што такі падыход да справы дэманструе слабасць ЗША перад глабальнымі пагрозамі. Трамп заўсёды казаў, што хоча спыніць вайну ва Украіне. Аднак такі крок толькі павялічыць не толькі колькасць смерцяў ва Украіне, але і зацягне саму вайну.

Калі ж Трамп такой пастановай хоча прымусіць абодва бакі канфлікту сесці за стол перамоў, то наступны крок - адобрыць новы законапраект Сената аб санкцыях супраць РФ і яе хаўруснікаў.

Каб пакласці канец вайне і дабіцца справядлівага міру, неабходна ўвесці жорсткія санкцыі супраць РФ і ўзброіць да зубоў Украіну.