Расея ўдарыла касетнай балістычнай ракетай па Адэсе: ёсць загінулыя і параненыя

• 3.07.2025, 15:04

Прагрымеў выбух у прыпартовай інфраструктуры горада.

Днём у чацвер, 3 ліпеня, Расейская Федэрацыя нанесла чарговы ракетны ўдар па Адэсе, забіўшы і параніўшы людзей, піша unian.net.

А 13:48 паводле менскаму часу Камандаванне Паветраных сіл Узброеных сіл Украіны папярэдзіла ў сваім Telegram-канале аб пагрозе прымянення балістычнага ўзбраення з акупаванага Крыма. Неўзабаве стала вядома пра хуткасную цэлю ў кірунку Адэсы, там прагрымеў выбух.

Кіраўнік Адэскай абласной ваеннай адміністрацыі Алег Кіпер у эфіры інфармацыйнага тэлемарафону паведаміў, што расейскія захопнікі ўдарылі касетнай балістычнай ракетай па прыпартовай інфраструктуры горада.

У выніку атакі загінулі два чалавекі, яшчэ трое атрымалі раненні, ім аказваюць медыцынскую дапамогу.