ДАІ працуе ва ўзмоцненым рэжыме на выходныя

• 3.07.2025, 19:59

Кіроўцаў правяраюць больш строга, чым звычайна.

У перыяд доўгіх выходных у Беларусі Дзяржаўтаінспекцыя перайшла на ўзмоцнены рэжым працы. Пра гэта паведаміла прэс-служба МУС.

Асаблівую ўвагу інспектары ДПС аддаюць выяўленню грубых парушэнняў ПДР – у першую чаргу кіраванню ў нецвярозым выглядзе і кіраванню аўтамабілем без пасведчання кіроўцы.

Акрамя таго, ДАІ заклікае кіроўцаў браць да ўвагі ўмовы надвор'я і не рабіць рызыкоўных манеўраў на дарогах.

Кіроўцам нагадваюць:

выбіраць бяспечную хуткасць руху;

выконваць дыстанцыю да іншых аўтамабіляў;

уключаць паваротнікі пры любой змене кірунку руху;

сачыць за самаадчуваннем, асабліва ў спякоту.