Чэхію накрыў маштабны блэкаўт

• 4.07.2025, 14:47

Спыніліся трамваі і метро.

У Чэхіі адбылося масавае адключэнне электраэнергіі. Так, у Празе больш за 100 тысяч карыстальнікаў засталося без святла, часткова спыніліся трамваі і галіны метро, паведамляе РБК-Украіна са спасылкай на iRozhlas.

Папярэдне, электрычнасць адсутнічала ў большай частцы Прагі і іншых чэшскіх гарадах. У сталіцы нават былі вымушаныя спыніць рух грамадскага транспарта.

- У некаторых раёнах Чэшскай Рэспублікі адбылося адключэнне электраэнэргіі. Мы расследуем прычыны і вырашаем праблему. Цэнтральны крызісны штаб знаходзіцца ў рэжыме чакання, - заявіў прэм'ер-міністр Чэхіі Пётр Фіяла.

У кампаніі Pražská energetika (PRE) заявілі, што прычынай блэкаўта стала аварыйнае адключэнне на падстанцыі ČEPS у праскім раёне Ходаў. Спецыялісты працуюць, каб развязаць наступствы аварыі.