У NATO афіцыйна змяніўся камандуючы Аб'яднанымі сіламі ў Еўропе

• 4.07.2025, 17:29

Амерыканскі генерал Алексус Грынкевіч змяніў на гэтай пасадзе Крыстафера Кавалі.

Камандаванне Аб'яднаных сіл NATO ў Еўропе ўзначаліў амерыканскі генерал Алексус Грынкевіч, змяніўшы на гэтай пасадзе Крыстафера Кавалі.

Пра гэта паведаміла прэс-служба Паўночнаатлантычнага альянсу, піша «Еўрапейская праўда».

4 ліпеня ў галоўнай штаб-кватэры Аб'яднаных сіл NATO ў Еўропе ў Монсе (Бельгія) адбылася афіцыйная цырымонія перадачы камандавання амерыканскаму генералу паветраных сіл Алексусу Грынкевічу.

Яго папярэднікам пасадзе з 2022 года быў амерыканскі генерал Крыстафер Кавалі.

Генеральны сакратар NATO Марк Рутэ падзякаваў Кавалі за яго ўклад у мадэрнізацыю калектыўнай абароны і працу, звязаную з рэакцыяй на поўнамаштабны напад Расеі на Украіну.

У прыватнасці, Рутэ падзякаваў Кавалі за ўзмацненне прысутнасці NATO ў Балтыйскім моры дзеля абароны крытычнай інфраструктуры і стварэнне новага камандавання ў Нямеччыне, што таксама ўзмацняе падтрымку Украіны.

Адносна Грынкевіча ён адзначыў, што той, як былы пілот знішчальніка, мае "глыбокае разуменне пагроз для нас з паветра і ў іншых сферах". Апошні год перад гэтым прызначэннем Грынкевіч займаў у ЗША пасаду дырэктара ў аперацыях Аб'яднанага штаба.