УЕФА аштрафаваў «Чэлсі» і «Барселону» на €31 млн і €15 млн

• 4.07.2025, 20:16

Памер штрафу яшчэ можа быць павялічаны.

Першая палата Органа фінансавага кантролю клубаў (CFCB) УЕФА увяла дысцыплінарныя захады ў дачыненні да 12 клубаў, якія парушылі патрабаванні фінансавага fair play. Пра гэта паведамляецца на сайце УЕФА.

Сярод гэтых клубаў апынуліся лонданскі «Чэлсі» і «Барселона».

Першая палата CFCB вызначыла, што «Барселона», «Чэлсі», «Астан Віла», «Ліён», «Порту» і «Хайдук» не выконвалі правіла, якое тычыцца прыбыткаў ад футболу. Аналіз ахопліваў фінансавыя гады, якія сканчаюцца ў 2023 і 2024 гадах. Клубы заключылі з CFCB міравыя пагадненні, каманды павінны прывесці свае справаздачнасці за розныя перыяды ў належны выгляд. Усе клубы пагадзіліся выплаціць штраф, які залежыць ад памеру ацэненага парушэння.

Штрафы наступныя:

«Чэлсі» – чатыры гады, агульны штраф €80 млн, з якіх безумоўныя €20 млн;

«Барселона» – два гады, € 60 млн (€ 15 млн);

«Ліён» – чатыры гады, € 50 млн (€ 12,5 млн);

«Астан Віла» – тры гады, € 20 млн (€ 5 млн);

«Порту» – адзін год, € 5 млн (€ 0,75 млн);

«Хайдук» – тры гады, € 1,2 млн (€ 0,3 млн).

Таксама першая CFCB устанавіла, што «Чэлсі», «Астан Віла», «Бешыкташ» і «Панацінаікас» парушылі правіла, якое тычыцца выдаткаў на склад (вышэй за 80% на 2024 год). Клубы былі аштрафаваныя на €11 млн, €6 млн, €0,9 млн і €0,4 млн адпаведна.

«Будзе-Глімт» (€0,5 млн) і «Сараева» (€0,25 млн) аштрафаваныя за падачу няпоўнай справаздачнасці, «Вісла» (€20 тыс.) – за познюю падачу.

Акрамя таго, «Рома», у якой ужо было міравое пагадненне з CFCB, крыху перавысіла прамежкавы мэтавы паказнік, устаноўлены на фінансавы год, які сканчаецца ў 2024 годзе, і была аштрафаваная на €3 млн.