У аэрапорце на Маёрцы загарэўся самалёт Ryanair

• 5.07.2025, 14:31

Ёсць пацярпелыя.

Амаль дваццаць чалавек пацярпелі ў выніку загарання самалёта, які знаходзіўся на ўзлётна-пасадачнай паласе аэрапорта Пальмы на гішпанскім востраве Маёрка.

Пра гэта паведамляе EFE.

Пажар адбыўся блізу 00:30 у суботу ў самалёце перавозніка Ryanair, які знаходзіўся на ўзлётна-пасадачнай паласе аэрапорта Сон Сан-Хуан.

Пасля атрымання сігналу на месца здарэння выехалі чатыры машыны хуткай дапамогі.

У выніку інцыдэнту пацярпелі 18 чалавек, большасць атрымалі лёгкія траўмы. Шасцярым спатрэбілася шпіталізацыя ў лякарні Пальмы.

Прычына пажару пакуль невядомая.