Амбасаду Расеі ў Швецыі зноў атакаваў дрон

• 5.07.2025, 16:09

Скінулі пачак з фарбай.

Падчас “атакі” з дрона на тэрыторыю гандлёвага прадстаўніцтва Расеі «быў скінуты пачак з фарбай».

Гандлёвае прадстаўніцтва Расеі ў Швецыі ўначы ў суботу падвергнулася чарговаму "нападу з выкарыстаннем дрона".

Як паведамляе “Еўрапейская праўда”, на гэта паскардзілася расейская амбасада ў Стакгольме.

Падчас “атакі” дрона на тэрыторыю гандлёвага прадстаўніцтва Расеі “быў скінуты пачак з фарбай”. Пра пацярпелых у выніку інцыдэнту амбасада не паведамляе.

Пра падобныя “напады” расейскі бок паведамляе ўжо больш за год, а апошні інцыдэнт адбыўся менш за месяц таму.

“Узнікае заканамернае пытанне: шведскія ўлады не могуць ці не хочаць расследаваць гэтыя інцыдэнты і забяспечыць абарону дыппрадстаўніцтваў?” - рытарычна пытаецца амбасада РФ.

Там зноў запатрабавалі "паўнавартаснага расследавання" і ўсклалі на ўлады Швецыі "ўсю паўнату адказнасці за развіццё сітуацыі".

Раней амбасада Расеі ў Швецыі налічыла больш за дзясятак “актаў вандалізму” супраць сябе, з выкарыстаннем дронаў таксама.